Доналд Трамп гуфт, дар дебати интихоботии Fox News ширкат хоҳад кард.
Доналд Трамп, номзади ҷумҳурихоҳҳо дар интихоботи президентии ИМА пешниҳоди телевизиони Fox News-ро қабул кард, ки гуфтааст, рӯзи 4 сентябр бо рақиби демократаш Камала Ҳаррис дар як дебат ё мунозираи пешазинтихоботӣ ширкат мекунад.
Дар ин бора ӯ 2 август дар саҳифаи худ дар шабакаи Truth Social хабаре нашр кард. Моҳи июл Ҳаррис гуфт, ки омода аст дар таърихи 17 сентябр дар мунозираи пешниҳодкардаи Fox News иштирок кунад.
Баъди он ки рӯзи 21 июл президент Ҷо Байден аз рақобати интихоботӣ хориҷ шуда номзадии Ҳаррисро дастгирӣ кард, Трамп гуфт, азбаски Ҳаррис номзади расмӣ нест, бо ӯ дар дебат ширкат намекунад.