Қосимҷомарт Тоқаев, президенти Қазоқистон, рӯзи 4-уми сентябр Галимҷон Пирматовро аз мақоми раиси Бонки миллии ин кишвар барканор кард. Пирматов моҳи феврали соли 2022 раиси бонк таъйин шуда буд.
Барканории вай баъд аз паёми Тоқаев ба порлумон сурат мегирад. Раиси ҷумҳурии Қазоқистон дар паёмаш рӯзи 1-уми сентябр аз меъёри баланди бозтамвили Бонки миллӣ танқид кард.
Дар даврони роҳбарии Пирматов Бонки миллии Қазоқистон чанд дафъа меъёри бозтамвилро боло бурд. Дар Бонки миллӣ гуфта буданд, ин тадбир барои пешгирӣ аз суръати таваррум зарур аст.
Сарфи назар аз ин чораҳо, Қазоқистон дар миёни кишварҳои пасошӯравӣ аз рӯйи суръати таваррум дар мақоми аввал қарор дорад.
Ҷанг дар Украина ва таҳримҳои зидди Русия ба иқтисоди Қазоқистон зарба задааст.
Ҳоло Олжас Бекеновро раиси Бонки миллии Қазоқистон таъйин кардаанд. Сулаймонов то 1-уми сентябри имсол муовини аввали раиси дастгоҳи иҷроияи президенти Қазоқистон буд.