Канада ба зидди 14 шаҳрванд ва 34 ширкати Русия таҳрим ҷорӣ кард.
Дар ин бора нахуствазир Ҷастин Трюдо дар як нишасти матбуотӣ баъд аз мулоқот бо ҳамтои украинии худ Денис Шмигал хабар дод.
Таҳримҳо алайҳи корхонаҳои вобаста ба ширкати хусусии низомии "Вагнер" ба раҳбарии Евгений Пригожин, аз ҷумла "Конкорд менеджмент и консалтинг" ва гуруҳи ширкатҳои "Волга-Днепр" эълом шудаанд.
Ба рӯйхати таҳримшудаҳо 9 корхонаи марбут ба ниҳоди молии Беларус низ дохил шудааст.
Дар миёни шахсони воқеие, ки ба зидди онҳо таҳрим ҷорӣ гашт, раҳбари Тотористон Рустам Миннихонов ва муовини раиси Вазорати дифоъ Николай Панков низ ҳастанд.
Трюдо ҳамчунин хабар дод, ки Канада ба Украина 21 ҳазор автомат, 38 пулемёт ва беш аз 2,4 миллион тир мефиристад.
Канада дар моҳи феврали имсол алайҳи 129 шахси воқеӣ аз Русия бо шумули аъзои ҳукумат, низомиёну намояндагони "Вагнер" ва 63 ширкати ин кишвар таҳрим ҷорӣ карда буд.