Созмони ҷаҳонии тандурустӣ (СҶТ) рӯзи душанбе дар робита ба вазъи пандемияи коронавирус ё COVID-19 дар ҷаҳон изҳорот нашр кард. СҶТ гуфт, аз эътирофи поёни пандемияи коронавирус дар ҳоли ҳозир худдорӣ мекунад.
Аъзои кумитаи изтирории СҶТ оид ба COVID-19 дар ҷаласаи 14-уми худ ба хулосае расидаанд, ки дар ҳоли ҳозир дар бораи анҷоми пандемия суҳбат кардан ҳанӯз барвақт мебошад.
Ба ин тасмим мавҷи ахири вабои коронавирус дар Чин, ки баъди манъи маҳдудиятҳо ба миён омад, сабаб шудааст.
Нахустин ҳолати гирифторӣ ба коронавируси нав моҳи декабри соли 2019 дар Чин ошкор шуд. Ин вирус зуд дар саросари ҷаҳон паҳн гашт ва дар давоми се соли ахир зиёда аз 670 миллион одам ба он олуда шуда, 6,8 миллион кас ҷон бохт.