Русия рӯзи 25-уми октябр расман Амрикоро дар бораи баргузории размоиши нерӯҳои стратегии ҳастаии "Гром" хабар дод. Дар ин размоишҳо мушаки болдор истифода мешавад. Мушаки болдор имкони интиқоли кӯлоҳакҳои ҳастаӣ доранд.
Размоишҳое, ки ҳамасола баргузор мешаванд, дар пайи ҳамлаи Русия ба Украина, ин бор таваҷҷуҳи хосро ҷалб кардаанд. "Бо хабар додан дар бораи размоишҳо Русия уҳдадориҳояшро дар мавриди назорати аслиҳа иҷро кард", - хабар дод сухангӯи Пентагон Патрик Райдер.
"Ин огоҳсозӣ эҳтимоли баҳогузории нодурусти размоишҳоро кам мегардонад", - афзуд намояндаи Департаменти давлатии Амрико Нед Прайс.
Русия бори охир чанд рӯз пеш аз оғози ҳамла ба Украина чунин размоиш баргузор кард, аммо дар бораи санаи баргузории он размоишҳо аз қабл хабар надода буд.
Дар навбати худ НАТО дар Белгия размоишҳои солонаи Steadfast Noon-ро баргузор мекунад. Дар ҷараёни ин размоиш дар давоми 2 ҳафта силоҳи ҳастаии ғайристратегӣ озмоиш мешавад.