Додситонии кулли Тоҷикистон ҷузъиёти парвандаи Иззат Амон, ҳомии ҳуқуқи муҳоҷиронро шарҳ дод. Шариф Қурбонзода, масъули Додситонии кул, 13-уми июл ҳангоми нишасти хабарӣ гуфт, алайҳи Иззат Амон 12 нафар ба мақомот муроҷиат кардаанд.
Ба гуфтаи ӯ, “Иззат Амон аз соли 2014 то 2020 аз ин афрод барои озод кардан аз маҳбас, гирифтани иҷозати қайди муваққат ва бекор кардани депортатсия маблағ гирифтааст”.
Ин масъули Додситонии кул “зарари расондашуда аз ҷониби Иззат Амонро 630 ҳазор рубли русӣ ва ҳазор доллари амрикоӣ” зикр кард. Ҳарчанд наздикони Иззат Амон мегӯянд, ин даъвоҳо дуруст нест ва онҳо омодаанд, ҳар даъвои асоснокро ҷуброн кунанд.
Браузери шумо HTML5-ро намешиносад
Аз қатли Руфайда то ҷузъиёти парвандаи Иззат Амон дар нишасти Додситонии кулл
Масъули Додситонии кулл афзуд, аз ҷониби Иззат Амон то ин дам 5 ҳазор рубл ҷуброн шудааст. Наздикони ҳомии ҳуқуқи муҳоҷирон мегӯянд, муфаттиш онҳоро бо шахсони даъвогар рӯ ба рӯ намекунад ва тафтишотро кашол медиҳанд.
Иззат Амон рӯзи 25-уми март аз Русия ихроҷ шуд ва як рӯз баъд мақомот аз боздошти ӯ дар Душанбе хабар доданд. Парвандаҳои боздошту истирдод ё рабуда шудани гунаҳкорон ба қаллобӣ дар даҳ соли охир тақрибан дида нашудааст ва ин ҳолат вижагии парвандаи Иззат Амонро ташкил медиҳад.
Таҳқиқи қазияро Вазорати корҳои дохилӣ анҷом медиҳад ва масъулини Додситонии кул гуфтанд, парвандаро то охири моҳ ба додгоҳ мефиристанд.
ИНЧУНИН, БИХОНЕД:
Аз падари як ҳомии ҳуқуқи муҳоҷирон қазияи акси Иззат Амонро мепурсандДаъвоҳои нав дар парвандаи Иззат Амон. Наздиконаш гуфтанд, ӯ бо қарори додгоҳ дар ҳабси пешакӣ аст. ВИДЕОГапи Озод: Ғайб задан дар Русия ва пайдо шудан дар Тоҷикистон тамоюл шудааст? ВИДЕОРӯҳонии тоҷик иддао кард, ки дар Тоҷикистон ва дар озодист, аммо барои бозгашт ба Русия санад надорад. ВИДЕО, САДОШиноснома ва шаҳрвандии Русия. Фаъолони сиёсӣ чӣ қадар "арзиш" доранд?