Гурӯҳи тундрави “Давлати исломӣ” ё ДОИШ масъулияти ду бобмгузории маргборро дар бозори маркази шаҳри Бағдод ба дӯш гирифт, ки дар натиҷаи он 32 нафар кушта шуданд.
Дар ҳамлаи рӯзи 21-уми январ дар бозори майдони Таярони Бағдод 110 нафари дигар маҷруҳ шуданд.
ДОИШ дар канали хабаргузориаш бо номи “Аъмоқ” дар Телеграм гуфт, ду бомбгузори маргталабаш худро дар бозор таркондаанд. Ҳамлаҳо дар замоне сурат гирифт, ки мардуми зиёде барои харид ба бозор омада буданд.
Вазорати умури дохилии Ироқ гуфт, бомбгузори аввал худро бемор вонамуд карда, мардумро ба сӯи худ кашида ва сипас бомби бо худ доштаашро тарконидааст.
Баъди ин таркиш вақте издиҳоми мардум барои кумак ба маҷруҳон шитофтаанд, бомбгузори дувум худро тарконидааст. Табибон мегӯянд, мумкин аст, теъдоди қурбониён бештар шавад.