Дар шаҳри Тошканди Узбекистон тахриби боғи ба номи Ғафур Ғулом, шоир, нависанда ва ходими шинохтаи давлатӣ, шуруъ шуд.
Соҳиби нави боғ моликони ошхонаву тарабхонаҳои ҳудуди боғро огоҳ кардааст, ки амлоки худро давоми даҳ рӯз бардоранд, дар ғайри сурат "тахриб карда хоҳанд шуд".
Боғи Ғафур Ғулом, ки дар майдони 14 га ҷойгир аст, ба ширкати сингапурии BMP Smart Decision Private Limited дода шудааст.
Даҳҳо ошхонаву тарабхона, ки солҳои тӯлонӣ дар ҳудуди боғ фаъолият мекарданд, ҳамакнун тахриб ва коргаронашон бе ҷои кор хоҳанд монд.
Боғи ба номи Ғафур Ғулом соли 1934 дар шаҳри Тошканд асос гузошта шуд.
Мақомоти шаҳри Тошканд боғи мазкурро соли гузашти барои 49 сол ба ширкати сингапурӣ додаанд ва ширкат дар навбати худ вазифадор шудааст, ки ба боғ 10 миллион доллар сармоягузорӣ кунад. Соҳибкорон аз додани ин боғ ба ширкати хориҷӣ эътироз карданд.
Ба ширкати сингапурӣ додани боғи Ғафур Ғулом дар Тошканд эътироз ба бор овард
Даромадгоҳи Боғи маданият ва истироҳати ба номи Ғафур Ғулом дар Тошканд