Ҳафтод кишвари узви Созмони Милали Муттаҳид силоҳи ҳастаии Куриёи Шимолӣ ва барномаи мушакҳои баллистикии ин кишварро "таҳдиди бузург" ба сулҳ дар минтақа ва ҷаҳон донистаанд. Онҳо аз Пхенян хостаанд, ки барномаҳои худро канор гузорад.
Амрико, Куриёи Ҷанубӣ, кишварҳои осиёӣ, Амрикои Лотинӣ, Африқо ва Аврупо дар ин бора рӯзи 10 май эъломияро имзо карданд. Матни эъломия аз тарафи Фаронса омода шудааст.
Вале Русияву Чин, ду муттаҳиди асосии Куриёи Шимолӣ, ба эъломия имзо нагузоштанд.
Пхенян ҳафтаи гузашта ду мушак партоб кард ва ин иқдом боис ба афзоиши нигарониҳо дар мавриди барномаҳои Куриёи Шимолӣ шуд.