Раиси ҷумҳури Тоҷикистон дар як нома ба Владимир Зеленский гуфтааст, ба ояндаи ҳамкориҳои Душанебву Киев назари нек дорад. Зеленский дар интихоботи рӯзи якшанбеи гузашта пирӯз шуд ва ба ҳукуматдории Петро Порошенко, раиси ҷумҳури феълӣ хотима дод. Эмомалӣ Раҳмон рӯзи 24-уми апрел гуфтааст, “бо талошҳои муштарак муносибатҳои дуҷонибаи Тоҷикистон ва Украина минбаъд низ ба манфиатҳои мардуми мо густаришу таҳким хоҳанд ёфт.”
