Доналд Трамп, раиси ҷумҳури Амрико, Келли Найт Крафтро сафири ин кишвар дар Созмони Милали Муттаҳид муаррифӣ кард. Трамп дар ин бора рӯзи 23-юми феврал дар “Твиттер” хабар дод. Келли Крафт аз соли 2017 сафири Амрико дар Канада аст. Дар сурати тасдиқ шудани номзадиаш аз тарафи Сенат, ӯ дар ин мақом Никки Ҳейлиро иваз хоҳад кард. Крафт зодаи иёлати Кентакки аст ва то замони фаъолияти дипломатӣ дар созмонҳои хайрия кор мекард. Пешниҳоди нави Доналд Трамп дар мавриди намояндаи Амрико дар Созмони Милал як ҳафта баъди он матраҳ шуд, ки Ҳезер Нойерт аз пазируфтани ин масъулият сарфи назар намуд. Никки Ҳейлӣ сафири пешини Амрико дар СММ чаҳор моҳ пеш аз мақом рафт.
Трамп Келли Крафтро сафири Амрико дар СММ интихоб кард
Келли Найт Крафт - Нафари чаҳорум аз тарафи чап ба рост