Дастаи мунтахаби Қазоқистон дар ду рӯзи Бозиҳои ҷаҳонии кӯчиҳо дар Қирғизистон бо 19 медал - 7 тило, 7 нуқра ва 5 биринҷӣ феълан, дар ҷойи аввал қарор дорад.
Мунтахаби кишвари мизбон - Қирғизистон бо 5 медали тилову 5 нуқра ва 7 биринҷӣ мақоми дувумро касб кардааст. Варзишгарони Туркманистон бо 12 медал - 5 тило, 2 нуқра ва 5 биринҷӣ мақоми севумро соҳибанд.
Дастаи Русия бо 7 медал (се тило) дар мақоми чаҳорум ва варзишкорони ӯзбек бо 12 медал (ду тило) дар мақоми панҷум қарор доранд.
III-умин Бозиҳои ҷаҳонии кӯчиҳо 2 сентябр дар аспрез ё ипподроми деҳаи Бактуу-Долонтуи вилояти Иссиқкӯли Қирғизистон оғоз шуда, то 8 сентябр идома хоҳад кард.
Дар қувваозмоиҳо 1,5 ҳазор варзишкор аз 66 кишвари дунё ширкат мекунанд. Дар маҷмуъ 594 медал - 174 тило, 173 нуқра ва 247 биринҷӣ тақдим карда хоҳад шуд.