Маркази боркашонии Фурудгоҳи байналмилалии Душанбе ба истифода дода шуд, ки дар Осиёи Миёна калонтарин мебошад. Маркази боркашонии фурудгоҳи Душанбе бо 28 миллион доллар сармояи Ҷопон бунёд шудааст. Дар маросими мавриди истифода қарор додани ин марказ, ки рӯзи 25-уми июн баргузор шуд, нахуствазири Тоҷикистон Қоҳир Расулзода ва масъулони ҷопонӣ ширкат доштанд. Ба гуфтаи мақомот, ин марказ зарфияти боркашонии 20 ҳазор тонна бор дар як солро дорад. Ин марказ бо таҷҳизоти сардкунӣ низ муҷаҳҳаз буда ва аз дигар минтақаҳои ҷаҳон метавонанд тавассути Фурудгоҳи байналмилалии Душанбе боркашонӣ кунанд.
