Як инфиҷор дар Искандария, дувумин шаҳри бузурги Миср, рӯзи 24-уми март ду кушта бар ҷой гузошт. Яке аз ҳалокушудаҳо маъмури пулис будааст.
Вазорати корҳои дохилии Миср инфиҷорро тарҳрезишуда номид. Ба қавли мақомот, ҳадафи ҳамлаварон Мустафо Намр, раиси пулиси Искандария, буд. Ба оқои Намр дар ин ҳодиса осеб нарасидааст, аммо чаҳор афсари пулис захмӣ шудаанд.
Ин инфиҷор чанд рӯз пеш аз баргузории интихоботи раёсати ҷумҳури Миср сурат гирифт, ки пешбинӣ мешавад дар он раиси ҷумҳури кунунӣ Абдуфаттоҳ Сисӣ баранда хоҳад шуд.