Мақомоти Корхонаи давлатии манзилу коммуналӣ мегӯянд, ки 422 ҳазор лампаҳои корношоями каммасрафро ҷамъоварӣ кардаанд. Алимурод Исломзода, раиси Корхонаи давлатии манзилу коммуналӣ рӯзи 12-уми феврал зимни нишасти хабарӣ бо нигаронӣ аз таъсири ин лампаҳо ба саломатӣ ва муҳити зист гуфт, ки ҳоло корхонаи онҳо ҳар дона лампаи корношоямро аз аҳолӣ бо нархи 68 дирам харидорӣ мекунад.
Дар Тоҷикистон омори дақиқи воридоти лампаҳои каммасраф ва дар корхонаҳои дохилӣ истеҳсолшудаву адади корношоямгаштаи он вуҷуд надорад. Ба бозорҳои Тоҷикистон лампаҳои каммасраф умдатан аз Чину Русия ворид мегардад.