Раҳбари Идораи федеролии амнияти Русия мегӯяд, ки баъди суқути терроризми байналмилалӣ дар Сурия ва Ироқ, Афғонистон ба маркази таҷаммӯъи ҷангиён табдил шуд. Александр Бортников ин изҳоротро дар ҷараёни нишасти Шӯрои раҳбарони сохторҳои амнияти кишварҳои ҳамсуд рӯзи 19 декабр эълон кард. Дар ин бора "Интерфакс" хабар дод.
Бортников Афғонистонро маркази аслии таҷаммӯъи бондитҳои гурӯҳи террористии "Давлати исломӣ" номид ва гуфт, ки ДИИШ дар қаламрави он кишвар ҷойи по ёфтааст.
Ба гуфтаи нашрияи "Коммерсант" раҳбари Идораи федеролии амнияти Русия ҳамчунин аз хунсо шудани як қатор амалҳои террористӣ дар Русия ва кишварҳои Осиёи Марказӣ хабар дод ва гуфт, ки аз талоши ҳамла ба намояндагиҳои дипломатии кишварҳои ҳамсуд дар хориҷ ҷилавгирӣ шуд. Бортников нагуфт, ки ин талошҳо кай ва дар куҷо хунсо шудаанд.