Дар як амалиёти нирӯҳои ФСБ ё Хадамоти федеролии амният дар вилояти Владимир, шарқи пойтахти Русия, ду зодаи Осиёи Марказӣ кушта шудаанд. Хадамоти федеролии амнияти Русия рӯзи 19 апрел бо пахши изҳороти расмӣ гуфт, ин афрод барои ҳамкорӣ бо террористони байналмилалӣ ва омодагӣ барои анҷоми ҳамлаҳо дар Русия муттаҳам буданд. Дар изҳорот гуфта шудааст, яке аз гумонбарон 26 ва дигаре 30 сол доштанд. Инҳо замоне ҳадафи тир қарор гирифтанд, ки ҳангоми боздошт муқовимати мусаллаҳона нишон додаанд.
