Шоҳи Урдун Абдулло II барандаи ҷоизаи "барои дунёи бидуни аслиҳаи ҳастаӣ ва амнияти саросарӣ" шудааст. Муассиси ин ҷоиза Нурсултон Назарбоев, раиси ҷумҳури Қазоқистон гуфт ва ӯ дар ин бора зимни қабули эътимоднома аз сафирони кишварҳои хориҷӣ хабар дод. "Барои саҳмгузорӣ дар бунёди дунёи бидуни силоҳи ҳастаӣ ман қарор кардам, ки ҷоизаи махсус муқаррар кунам", - гуфт Назарбоев. Президенти Қазоқистон афзудааст, барои эътои ин ҷоиза кумитаи махсус низ таъсис ва ҳамасола ҷоизаи мазкур рӯзи 29 август - дар рӯзи баста шудани полигони ядроии Семипалатинск ба ғолибонаш расонда мешавад.
