Ду фарди ношиноси мусаллаҳ ба бинои консулгарии Амрико дар Истанбул тир андохтаанд, вале касе дар ин ҳодиса осеб надидааст. Мақомоти Туркия рӯзи 10-уми август гуфтанд, баъди тирандозии маъмурони пулис, ҳамлаварон аз ҷойи ҳодиса фирор кардаанд. Чанд соат пештар аз ин дар рӯзи 9-уми август дар натиҷаи таркиши бомбе дар назди як идораи пулис дар Истанбул 10 нафар аз ҷумла ҳафт маъмури пулис захм бардоштанд. Касе масъулияти ин ҳамлаҳоро бар дӯш нагирифтааст, вале дар ин авохир таниш миёни нерӯҳои амниятии Туркия ва размандагони Ҳизби Коргарони Курдистон авҷ гирифтааст. Айни замон Туркия амалиёт бар зидди ҷангҷӯёни гурӯҳи Давлати исломиро низ шиддат бахшидааст.
Ду ҳамлаи пайи ҳам дар Истанбули Туркия
Консулгарии Амрико дар Истанбул баъди тирандозӣ