Шӯрои уламои маркази исломии Тоҷикистон мегӯяд, ки замони таҷлили Иди Қурбонро рӯзи чаҳоршанбеи 9-уми октябр эълон хоҳад шуд. Сухангӯи ин ниҳод Атовулло Қосимов рӯзи 7-уми октябр дар сӯҳбат ба "Озодӣ", ки то кунун дар ин маврид тасмими ниҳоӣ гирифта нашуда ва Шӯро рӯз чаҳоршанбе таърихи дақиқи баргузории Иди Қурбонро эълон хоҳад кард. Иди Қурбон, яке аз ду иди мусалмонҳост, ки дар Тоҷикистон пас аз солҳои навадуми қарни гузашта дар шакли расмӣ таҷлил мешавад ва дар ин рӯз тамоми коргоҳҳо дари худро баста, рӯзи таътил аст.
