Рӯзи 17 январ дар толори театри опера ва балети Бишкек расми ифтитоҳи Рӯзҳои фарҳангии Тоҷикистон дар Қирғизистон доир хоҳад шуд. Дар сафорати Тоҷикистон дар Бишкек гуфтаанд, ки ин Рӯзҳои фарҳангӣ ба муносибати солгарди 20-уми истиқрори равобити дипломатӣ байни ду кишвари ҳамҷавор аст. Интизор меравад, барои ширкат дар ин маърака як шумори бузурге аз устодони ҳунари тоҷик ба Қирғизистон сафар кунанд.
