Раисиҷумҳури собиқи Амрико Ҷорҷ Буши калонӣ дар бемористони Ҳюстони аёлати Техас таҳти табобати шадид қарор доштааст. Сухангӯи президенти 41-уми Амрико Ҷим МакГраф гуфт, Буши 88-соларо “дар пайи як силсила маризиҳо, аз ҷумла таби пайваста, таҳти чунин табобат қарор доданд." Ӯ аз 23 ноябр дар бемористон буда, зоҳиран то поёни Иди Мавлуди Масеҳ инҷо хоҳад монд. Ҷорҷ Буши калонӣ солҳои 1989-1993 раисиҷумҳури Амрико буд. Ӯ дар интихоботи соли 1992 аз Билл Клинтон шикаст хӯрд. Аммо баъди 8 соли раҳбарии Клинтон Кохи Сафед насиби писари Буши калонӣ –Ҷорҷ Буши хурдӣ шуд, ки 8 сол бар Амрико ҳукумат ронд.
