Анҷумани панҷуми ҳамкориҳои минтақавӣ бо Афғонистон бо тасвиби эъломияи Душанбе ба поён расид. Дар ин ҳамоиш намояндагони беш аз 50 кишвару созмони байналмилалӣ, бо шумули руасои ҷумҳуриҳои Эрону Тоҷикистон ва Афғонистону Покистон ширкат карданд. Дар ҳошияи анҷуман як ҳамоиши тоҷирон низ доир шуд, ки дар он 17 тарҳи бузург муаррифӣ шуд. Вузарои хориҷаи Тоҷикистону Афғонистон Ҳамроҳхон Зарифӣ ва Залмай Расул дар нишасти ниҳоии хабарӣ, натоиҷи анҷумани Душанберо муҳим хонданд.
