Дар Иёлоти Муттаҳидаи Амрико як муҳоҷири дигари узбакистонӣ бо иттиҳоми узвият дар гурӯҳи ситезаҷӯи исломӣ ва таҳияи тарҳи сарнагунии ҳукумати Узбакистон боздошт шуд. Полис мегӯяд, Бахтиёр Ҷумъаев, ки дар шаҳри Филаделфия боздошт шуд, узви Иттиҳоди Ҷиҳоди Исломӣ ва аз дӯстони наздики Ҷамшед Мухторов аст, ки бо иттиҳоми ҳамсон дар аввали сол дар Чикаго зиндонӣ гашт. Дар ҳоли исботи ҷурм Ҷумъаев метавонад ба 15 соли ҳабс маҳкум шавад.
