Бино ба гузоришҳои матбуотӣ, 14 марти соли ҷорӣ дар Шӯрои ҳуқуқи башари СММ гузориши давораӣ дар бораи ҳуқуқи инсон дар Тоҷикистон баррасӣ хоҳад шуд. Сипас 16 март вазъи ҳуқуқи башар дар Молдова ва Литва баррасӣ мешавад. Шӯрои ҳуқуқи башари СММ шеваҳои нодири ҷамъоварии мавод дар ҳамаи 192 кишвари узви СММ-ро дорад ва ҳар чаҳор сол як бор чунин гузоришҳо баррасӣ мешаванд. Шӯрои ҳуқуқи башар ниҳоди байналмиллалии ҳифзи ҳуқуқи башар аст, ки ба СММ дохил мешавад ва он соли 2006 ҷойгузини Кумиссиюни ҳуқуқи башари СММ шуд.
