Кумиссюни марказии интихоботии Русия номзадии миллиардер Михаил Прохоровро ба қайд гирифт, вале эҳтимол дорад, асноди ҳизби мухолифи “Яблоко” Григорий Явлинский рад шавад, чун 10 дарсади 2 миллион имзои тарафдорони ӯ беэътибор дониста шудаанд. Дар ин байн сарвазири Русия, Владимир Путин, ки ду дафъа миёни солҳои 2000 ва 2008 раисиҷумҳури Русия буд ва низ номзад гаштааст, дар мулоқот бо донишҷӯён дар Сибир гуфт, кишвараш ҳаргиз диктаторӣ нахоҳад шуд.
