Вазорати корҳои дохилаи Тоҷикистон изҳор дошт, ки омода аст дар расидагии сӯиқасд ба ҷони рӯзноманигор Додоҷон Атовуллоев ҳамкорӣ кунад. Генерал Рамазон Раҳимов-вазири нав рӯзи ҷумъа ба хабарнигорон гуфт, аз ҳодисаи ҳамла ба ин рӯзноманигори тоҷики муқими Маскав аз матбуот огаҳӣ ёфтааст. Вай афзуд, то кунун ҳеҷ дархост ё муроҷиате аз сӯи ниҳодҳои интизомии Русия дар робита бо расидагӣ ба ин сӯиқасд дарёфт нашудаст ва агар аз ҳамтоёни русии худ дархосте расад, бо онҳо ҳамкорӣ хоҳанд кард.
