Имрӯз дар Душанбе ҷаласаи солонаи ҳукумати Тоҷикистон идома хоҳад кард, ки дар он ба ҳосили кори ҳукумат дар соли 2011 баҳо медиҳанд. Дар рӯзи аввали нишаст, Оқил Оқилов нахуствазири Тоҷикистон аз пешрафт дар иқтисодиёт сухан гуфт ва таъриф кард, ки "ҳаҷми маҷмӯи маҳсулоти дохилӣ дар соли гузашта ба бештар аз 30 миллиард сомонӣ расид, ки нисбат ба соли 2010 5,4 миллиард сомонӣ зиёд аст.” Аммо ба гуфтаи мунтақидони ҳукумат ин арқом дар зиндагии рӯзмарраи мардуми Тоҷикистон эҳсос намешавад. Умдатан ҷаласаи солонаи ҳукумат бо тағйироти кадрӣ дар ёдҳо мемонад.
