Халабонҳои ширкати “Ролкан” Алексей Руденко ва Владимир Садовничий баъди бозгашт аз Тоҷикистон гуфтаанд, парвандаи онҳо сохта буд ва ғасби ду ҳавопаймои Ан-72-ро ба ҳадаф дошт. Ширкати “Ролкан” гуфт, рӯзи ҷумъа аз 2,5 сол ҳукми зиндони халабонҳояш низ шикоят хоҳад бурд. Додгоҳи Қӯрғонтеппа рӯзи 8 ноябр Руденко ва Садовничийро 10,5-солӣ ҳукми зиндон дод, ки боиси таниши тунде байни Маскаву Душанбе шуд. Додгоҳи вилояти Хатлон дар ин ҳафта ҳукми онҳоро 8-солӣ пойин овард ва ҳардуро бар асоси қонуни афв озод кард. Аммо ҳарду ҳавопаймои Ан-72-и ширкати “Ролкан” дар Тоҷикистон мусодира шудааст.
