Тоҷикистон ва Амрико барномаи муқовимати муштарак алайҳи қочоқи маводи атомиро имзо карданд. Санади мазкурро рӯзи 18 ноябр Ҳамрохон Зарифӣ, вазири умури хориҷӣ ва Кеннет Гросс, сафири Амрико дар Душанбе имзо гузоштанд. Ба гуфтаи вазорат, ҳадаф аз барнома тақвияти тавоноии Тоҷикистон барои ҷилавгирӣ ва муқовимат алайҳи қочоқи маводи ҳастаӣ аст. Дар Тоҷикистон аз замони шӯравӣ миллионҳо тонна партоби маъдани ураниуми коркардшуда мерос мондааст.
