Бино ба гузоришҳо, 15 узви Шӯрои Амнияти Созмони Милал дар масъалаи дархости Фаластиниён барои узвият дар Созмони Милал иттифоқи назар надоранд. Созмони Милал дар гузорише гуфтааст, баъзе аз кишварҳо, тарафдори пазируфтани Фаластин ҳастанд, баъзеи дигар ҳоло аз ин кор худдорӣ мекунанд ва гурӯҳи дигар, мухолифи узвияти Фаластин ҳастанд, зеро дархости онҳоро мувофиқ ба меъёрҳои узвият намедонанд. Риёз Ал-Маликӣ, вазири умури хориҷии Фаластиниён, Амрикову Исроил муттаҳам кардааст, ки ба аъзои шӯро фишор меоранд.
