Додситонҳои парвандаи Доминик Страусс-Канн, мудири собиқи Сандуқи Байналмилалии Пул, аз додраси қазия хостаанд, иттиҳомот алайҳи ӯро лағв кунад. Кеннет Томсон, вакили дифоъи Страусс Канн рӯзи душанбе бо Сайрус Ванс, додситони минтақавии Ню Йорк мулоқот ва ӯро ба он муттаҳам кард, ки “зерҳимояти ӯро аз ҳаққи расидан ба адолат” дар парвандаи таҷовуз ва озори ҷинсӣ маҳрум кардааст. Як хонуми муҳоҷири аз Гвинея ва ходими меҳмонхона, моҳи май Доминик Страусс-Каннро ба озори ҷинсӣ муттаҳам карда буд, вале ҳоло шубҳаву гумон доир ба рафтори ӯ боло гирифтааст.
