Руасои ҷамоҳири Тоҷикистону Покистон ва Афғонистон барои ширкат дар конфронси серӯзаи мубориза бо терроризми байналмиллалӣ вориди Теҳрон-пойтахти Эрон шудаанд. Қарор аст дар ин конфронс Умар ал-Башир-раиси ҷумҳури Судон ва Ҷалол Талабонӣ-раиси ҷумҳури Ироқ низ ширкат варзанд. Ин конфронс рӯзҳои 25-26 июн баргузор мешавад ва дар кори он намояндагони 80 кишвар ширкат мекунанд. Баъд аз сафари Эмомалӣ Раҳмон-раиси ҷумҳури Тоҷикистон Анатолий Сердюков-вазири дифои Русия бозиди худ аз Тоҷикистонро рӯзи ҷумъа ба таъхир андохт.
