Дидбони Ҳуқуқи Башар ё Ҳюмен Райтс Вотч аз Туркманистон хостааст, ки ба даъватҳои Кумитаи зидди шиканҷаи СММ гӯш диҳад ва аз шиканҷаву соири нақзи ҳуқуқи башар пешгирӣ кунад. СММ гузоришеро мунташир ва дар он аз шикоятҳои доимӣ дар бораи шиканҷа ва азияту озори дардовари боздоштшудагон ба дасти мақомоти интизомии Туркманистон амиқан изҳори нигаронӣ кардааст.
