Садҳо нафар аз сармоягузорони ширкати барҳамхӯрдаи “Казросинвестпроект”-и Қазоқистон дар шаҳри Кокчетав, дар шимоли ин кишвар ба тазоҳуроти худ идома доданд. Полис талош кард, ин гирдиҳамоиро пароканда кунад. “Казросинвестпроект” рӯзи 26-уми май бо иттиҳоми қаллобӣ ва фасод баста шуд. Он ба сармоягузоронаш ваъда мекард, ки дар ивази ҳар сад ҳазор тангаи сармоягузорӣ 400 000 танга баҳра медиҳад. Шеваи кори он ба пирамидаҳои молӣ ташбеҳ дода мешавад.
