Интихоботи маҳаллии дирӯза дар ҳамаи 12 вилояти Русияро ҳизби ҳокими “Русияи воҳид” бурдааст. Ба истиснои як вилоят, дар боқии манотиқ ин ҳизб беш аз 40 дарсад ва дар вилояти Чукотка ҳатто 71 дарсади ороро ба даст овардааст. Нозирон аз гурӯҳи “Голос” аммо мегӯянд, ки натоиҷи интихобот дасткорӣ шудааст. Интихоботи дирӯз як навъ озмоиши нирӯҳо дар пешорӯи интихоботи парлумонии моҳи декабр ва як сол баъди раёсатҷумҳурии Русия арзёбӣ мешавад.
