Маҷлиси болоии парлумони Русия дирӯз паймони нави коҳиши таслиҳоти ҳастаӣ бо Амрикоро тасвиб кард. Шӯрои федеролӣ аз паймони START бо иттифоқи оро пуштибонӣ кардааст. Тасвиби ин қарордод дар қироати севвум ва ниҳоӣ аз сӯи Думаи давлатӣ, маҷлиси поёнии парлумони Русия рӯзи сешанбе анҷом шуд. Сенати Амрико паймони коҳиши таслиҳотро ҳанӯз моҳе қабл тасвиб карда буд. Акнун ин паймон барои имзои ниҳоӣ ба раисиҷумҳури Русия Дмитрий Медведев ироа мешавад.
