Як сиёсатмадори боломақоми Ироқ ба радиои Озодӣ гуфт, ҷиноҳҳои аслии порламон дар бораи тақсими вазоратхонаҳои калидӣ дар ин кишвар ба тавофуқ расидаанд. Вазорати нафт дар ихтиёри Эътилофи миллии шиаҳо қарор хоҳад гирифт. Вазорати молия дар ихтиёри Айод Алавӣ-нахуствазири пешин хоҳад буд. Курдҳои Ироқ семати вазири корҳои хориҷаро ҳамчунон ҳифз хоҳанд кард. Нурӣ ал Моликӣ-нахуствазир эълон кардааст, ки то 15-ӯми декабр кобинаи навро ташкил ва онро барои тасвиб ба порламон пешниҳод хоҳад кард.
