Дар паи куштори ахири чаҳор исроилӣ, аз ҷумла як зани бордор дар Каронаи Ғарбӣ, ҷараёни азсаргирии музокираҳои Ховари Миёна дубора дучори мушкил шуд. Масъулияти куштори ахирро гурӯҳи тундрави Ҳамос ба дӯши худ гирифтааст. Ҳодисаи мазкур дар ҳоле гузориш шуд, ки дар Вашингтон раҳбарони Исроилу Фаластин – Бенямин Нетаняҳу ва Маҳмуди Аббос дар музокираҳои серӯза бо президенти Амрико Барак Обама қарор доранд. Фардо қарор аст мулоқоти рӯбарӯи раҳбарони ду ҷониби вориди низоъ баргузор шавад.
