Сафоратхонаи Тоҷикистон дар Вена хабар додааст, ки ҷамъияти яҳудиҳои Бухоро дар Австрия ва намояндагони ҷамъияти тоҷикони ин кишвар ахиран маросими ёдбуди Шоиста Муллоҷонова-ҳунарманди пуровозаи тоҷик ва барандаи ҷоизаи ба номи Рудакиро баргузор карданд. Дар ин бора хабаргузории Азия-Плюс иттилоъ додааст. Шоиста Муллоҷонова 27-ӯми июн дар қабристони Лонг Айленди шаҳри Нию Йорк ба хок супурда шуд. Ин ҳунарманди маъруф 25-ӯми сентябри соли 1925 дар шаҳри Сталинобод, дар шаҳри кунунии Душанбе ба дунё омада буд ва дар остонаи фурӯпошии Шӯравӣ ба Амрико муҳоҷират кард.
