“Transparency International”, ки вазъи фасод дар ҷаҳонро пайгирӣ мекунад, дар гузориши наваш фасод дар барномаҳои мубориза бо тағйири иқлимро ба баррасӣ гирифтааст. Гузориш мегӯяд, ба маҳзи норӯшании масъала ва ҳаҷми маболиғи харҷшуда тағйири иқлим дар ҳамаи 20 кишвари таҳти хатари бештар як бистари муносиб барои фасод боқӣ мемонад. “Transparency International” баландтарин мизони хатари фасод дар иҷрои барномаҳои мубориза бо тағйири иқлимро дар Афғонистон дарёфтааст. Ба ҳисоби ин созмон, ҷамъи маболиғе, ки то соли 2020 сарфи мубориза бо тағйири иқлим хоҳад шуд, тақрибан ба 700 миллиард доллар хоҳад расид.
