Сарвазири Туркия Раҷаб Тайиб Эрдуғон ба нишони эътироз ва бо қаҳр толори форуми Давосро тарк кард. Ин ҳодиса пас аз баҳси ӯ бо президенти Исроил, Шимон Перес ба вуқӯъ пайваст. Эрдуғон ҳозиронро барои кафкӯбияшон ба Перес, ки аз ҷанги Исроил дар Ғазза ҳимоят менамуд, танқид кард. Вай ҳамчунин шикоят кард, ки дар қиёс ба Перес барои суханронии ӯ вақти камтар додаанд. Туркия аз ибтидои амалиёти Исроил зидди Ҳамос дар Навори Ғазза аз Исроил интиқод мекард.
