Мақомоти иҷроии Иттиҳодияи Аврупо хостори тавсеъа равобит бо шуморе аз кишварҳои Шуравии пешин шуданд. Барномае бо номи "Ҳамкорӣ дар Шарқ" густариши равобит бо Укроину Гурҷистон, Озарбойҷону Арманистон ва Молдоваро ҳадафи худ қарор додааст. Агар дар Белорус ислоҳоти демократӣ анҷом бигирад, ин барнома Белорусро низ зери пушиш мегирад. Барномаи кумак бештар аз 442 милён долларро ташкил медиҳад ва барои таҳкими ниҳодҳои давлатӣ, назорат бар марзҳо ва кумак ба ширкатҳои хурд истифода мешавад.
