Пулиси Афғонистон мегӯяд, афроди силоҳбадаст як корманди фаронсавии як созмони хайрияро рабуда, афғонеро, ки мехост монеъи ин одамрабоӣ шавад, ба ҳалокат расондаанд. Ин марди фаронсавӣ замоне ҳадафи ҳамлаи 3 мусаллаҳи савори мошин қарор гирифт, ки дар канораи шарқии Кобул пиёда роҳ мерафт. Як маъмури амниятӣ, ки низ савори мошин аз роҳ мегузашт, талош кардааст, монеъи рабудани ин корманди имдодӣ шавад, вале силоҳбадастон ӯро ба ҳалокат расондаанд. Тайи танҳо як моҳи охир дар Кобул, дасти кам 3 корманди хориҷии муассисаҳои имдодӣ кушта шуданд.
