Бино ба гузоришҳо, рузи ҷумъа дар вилояти Лағмони Афғонистон бузургтарин тазоҳуроти зидди Толибон дар солҳои ахир баргузор шудааст. Бино ба гузориши хабаргузории Ассошиейтед Пресс, дар ин тазоҳуроти эътирозӣ беш аз ҳазор нафар ширкат доштаанд. Ин тазҳурот дар эътироз бар зидди куштори 26 нафар аз афроди қабоили онҳо анҷом гирифтааст, ки Толибон онҳоро ба қатл расондаанд. Тазоҳуркунандагон бо худ шиъорҳои "Марг бар Толибон"-ро доштаанд.
