Normal 0 Имрӯз дар Стокҳолм барандаи ҷоизаи Нобел дар риштаи адабиётро эълон мекунанд. Дар арафаи муаррифии исми барандаи ин ҷоиза ширкати бритониёии қимор, мавсум ба “Ладброукс” шонси пирӯзии адиби итолиёӣ Клавдио Магрисро бештарин арзёбӣ кардааст. Магрис дар “сабқат”-и барпокардаи ин ширкати бритониёӣ назар ба шоири суриёӣ Адонис ва нависандаи исроилӣ Амос Оз шонси бештари ба даст овардани ҷоизаи адабии Нобелро доштааст. Аммо фарҳангистони улуми подшоҳии Шветсия одатан адибонеро, ки маъруфияти кам доранд, баранда эълон мекунад ва чунин сурати ҳол имкони пешгӯии барандаи ҷоизаи адабии Нобелро тақрибан ҳеҷ мекунад.
