Имрӯз даҳҳо сомонаҳои интернетии Белорус ба нишони эътироз алайҳи Қонуни нави матбуот саҳифаҳои худро сияҳ карданд. Қонун аз сӯи палатаи поёнии порлумон пазируфта шуд. Мақомот дар ташреҳи баъзе нуктаҳои қонун оид ба сомонаҳои интернетӣ гуфтанд, ки талош доранд ҷомеъаро аз таъсири манфии Интернет берун кунанд. Қонун ҳамчунин сармоягузории расонаҳои Белорус аз хориҷи кишварро манъ кардааст.
Қарор аст раисиҷумҳури Белорус Александр Лукашенко ин қонунро баъди баррасӣ дар палатаи болоии порлумон имзо кунад.