Дэвид Миллибанд-вазири хориҷаи Бритониё ба Покистон ва Афғонистон ҳушдор дод, ки агар онҳо бар зидди терроризм ҷабҳаи муттаҳид ташкил накунанд, демократия дар хатар қарор хоҳад гирифт. Вай гуфт, ин ду кишвар бояд аз иттиҳоми зидди якдигар барои ҳамлаҳои террористӣ дар имтидоди марзҳояшон даст кашанд. Оқои Миллибанд зимни суханони худ дар Вошингтон дар Маркази мутолеъоти стротегӣ гуфт, бояд Исломободу Кобул барои мубориза бар зидди терроризм стротегияи муштарак дошта бошанд.
