Қимати нафт дар бозори ҷаҳонӣ боз ҳам гаронтар шуда барои ҳар бӯшка ба 123 доллар расид. Қимати нафти хом барои моҳи июн рӯзи сешанбе дар бозори Ню Йорк ба 122 доллар 72 сент расид ва сипас як каме поёнтар омада ва барои ҳар бӯшка 121 доллару 84 сентро ташкил дод. Қурби заъифи доллар, таҳлука аз хатари камшавии содироти нафти Нигерия ва Ироқ ва ҳамчунин моҷароҳои Амрикову Эрон сабаби болоравии қимати нафт хонда шудааст.
