Президенти Ироқ, Ҷалоли Толибонӣ, аз талошҳои халъи силоҳи Артиши Маҳдии рӯҳонии тундрав Муқтадо Садр пуштибонӣ кард. Вай гуфт, умедвор аст, ки Садр талаби ҳамаи ҷиноҳҳои сиёсии Ироқро қабул медорад ва тарафдорони худро халъи силоҳ мекунад. Аммо чанд рӯз пеш Садр гуфта буд, танҳо бо дархости рӯҳонии аршади шиъаҳои Ироқ, оятуллоҳ Алии Сиистонӣ артиши худро пароканда хоҳад кард.
